ACORDO DE APERTURA DE CONVOCATORIA PARA 2015

Imprimir gdr9 - 13-Xaneiro-2015 - 13:11:15  

Na reunión da xunta directiva da asociación de desenvolvemento rural Carballiño-Ribeiro celebrada o día 22 de decembro de 2014 acordouse por unanimidade aprobar a apertura da convocatoria para a presentación de solicitudes de axuda do programa Leader Galicia 2007/2013 para a anualidade 2015.

Os fondos dos que se dispón son os remanentes que queden despois de aprobar por xunta directiva os expedientes pendentes da anterior convocatoria, así como as renuncias ou reducións que se poidan producir nos mesmos e novos fondos procedentes de Agader por traspasos de outros grupos que non comprometan a totalidade dos seus fondos ou dun novo reparto.

Os proxectos non poderán estar iniciados antes da data de solicitude de axuda e deberán estar rematados, certificados e pagados, con todos os permisos e licenzas necesarias dentro deste ano, na data que marque Agader na resolución de concesión de axuda.

O prazo de presentación das solicitudes de axuda comeza o día 19 de xaneiro e remata o 31 de marzo de 2015.

 

Asociación Carballiño-Ribeiro (GDR9). Rey de Viana 4-baixo. 32420 Leiro (Ourense)

Tfno 988488752. Mail administracion@gdr9.es. www.gdr9.es


Novo texto corrixido do réxime de axudas para o programa Leader Galicia

Faga click na imaxe para descargar en formato PDF.


 

 XORNADA DE PROMOCIÓN EN LEIRO

Imprimir gdr9 - 12-Septembro-2014 - 10:07:35  

Onte, xoves 11 de setembro, tivo lugar na Aldea Cavernícola, en Leiro, unha xornada de promoción do Grupo de Desenvolvemento Rural Carballiño-O Ribeiro, se desenvolvemento neste enclave porque foi unha das empresas que se acolleron ás axudas no programa LEADER Galicia 2007-2013. Un lugar que está especializado en organización de despedidas de solteiros e solteiras e reunións de fines de semana de amigos, ofrecendo múltiples actividades.Durante o acto, o presidente do GDR-9, Francisco José Fernández, presentou o informe dos resultados 2007-2013. A continuación varios promotores que recibiron axudas presentaron os seus proxectos, Avelino Luis de Francisco, alcalde do Concello de Cortegada, falounos das marabillas que ofrecerá o novo balneario que se construíu en Cortegada, que terá tamén unhas termas inspiradas na filosofía oriental na parte exterior, e en canto se poida adxudicar a súa explotación entrará en funcionamento.

xornada leiro

Francisco J. de Ana Magán, Dr. de Patoloxía Forestal-Departamento de I+D, da empresa Hifas da Terra, mostrounos como é posible realizar unha explotación de castiñeiros híbridos micorrizados para que produzan boletus, castañas e madeira e que dean rendemento, animando a outros promotores a que se animen a aproveitar o monte para explotalo e poñelo en valor. A vantaxe do castaño micorrizado é que na súa base produce cogomelos, conseguindo deste modo sacar maior rendemento á explotación.

Jaime Méndez, administrador de Solaina Minei, animounos a unir pequenos propietarios para conseguir un terreo cunhas dimensións considerables para conseguir maior rendemento. Esta empresa, que en principio se dedicará á produción e venda de uva, conseguiu que os veciños colaborasen coa achega das súas terras para que estean a producir e lle saquen beneficio. Ademais recibiron axudas do GDR-9 para mellorar a explotación con fertirrigadores, que conseguen que a cepa reciba a auga directamente na base e logra tamén a achega de aboamentos e produtos a través deste medio, conseguindo que a planta non estea tan exposta ás inclemencias do tempo.

xornada leiro

Argimiro Levoso, xerente da Cooperativa Vitivinícola do Ribeiro, falou sobre a filosofía da cooperativa, a súa historia, e os proxectos actuais e futuros. Esta empresa tamén se beneficiou das axudas e instalou fertirrigadores en varios terreos, ademais de separadores para mellorar a produción.

Javier Blanco Carvallal, subdirector de relacións de Agader cos GDR, pechou a xornada explicando a ampliación ata o 2015 e animando os presentes a que se acollan a estas axudas para dinamizar e potenciar o rural.

xornada leiro

A continuación tivo lugar unha degustación de produtos da zona coa colaboración do Consello Regulador do Pan de Cea, que ofreceu seu producto para comprobar a calidade que ofrecen.

 

 ASAMBLEA XERAL DA ASOCIACION CARBALLIÑO-RIBEIRO

Imprimir gdr9 - 06-Xullo-2011 - 11:12:52  

O próximo día 20 de xullo celebrarase a Asamblea Xeral da Asociación Carballiño-Ribeiro, Grupo que xestiona do GDR9. O lugar de celebración será no Cine de Leiro, ás 20.30 horas.

 
Páxinas: Primeiro ... 9 10 11 12 13 
GDR12 Asociación Carballiño-Ribeiro
Centro Cívico, 1° andar. 32420 Leiro | Tel. 988 48 84 51 | info.gdr12@gmail.com