O GDR-12, como territorio con máis oferta termal da provincia de Ourense, participará como colaborador neste evento, onde presentará a guía "As Augas Termáis de Carballiño e do Ribeiro", con texto de María Souto Figueroa. Ademais, o propio GDR-12 realizará un Show Cooking con produtos da zona, impartido polos chefs Domingo González e Jose Luis López, xunto co axudante de cociña Christian Salgado. Para atender aos visitantes, se disporá un stand onde se repartirán publicacións relacionados co turismo termal do territorio Carballiño-O Ribeiro.

O enlace ao programa de Termatalia 2021 é https://www.termatalia.com/cronograma.php

O pasado venres 11 de xuño de 2021 tivo lugar a Comisión de Seguimento do Convenio de Colaboración entre AGADER e o GDR-12 “Asociación Carballiño - Ribeiro”.

A visita realizada polo Subdirector de Relacións cos GDR, Moisés Blanco Paradelo, ás oficinas do GDR-12 en Leiro, tivo lugar ás 13.15 horas sendo recibido polo presidente da Asociación, Francisco José Fernández Pérez e o equipo técnico do GDR-12, mantendo unha reunión para proceder á constitución da Comisión de Seguimento.

Procedendo a análise e estudo do Convenio de Colaboración asinado no seu día entre a AGADER e o GDR-12.

Tratando á xestión das convocatorias de axudas Leader e a Estratexia de Desenvolvemento Local Participativo. Destacando que na presente convocatoria 2021-2022 presentáronse un total de 15 proxectos, 6 de natureza produtiva e 8 iniciativas de concellos do territorio. Ditas solicitudes están sendo estudiadas polo equipo técnico do GDR-12, para completar a documentación, a súa baremación e a comprobación da súa elixibilidade dentro da estratexia de desenvolvemento aprobada para o territorio Carballiño – Ribeiro. Sendo enviados posteriormente á Agader para a súa verificación, se procede. Unha vez verificados pasarán á xunta directiva para a súa aprobación atendendo á puntuación obtida no baremo e ata esgotar os fondos de cada medida.