Campaña de información sobre as axudas Leader Galicia 2014-2020

Imprimir admin15gdr - 21-Febreiro-2017 - 11:18:28  

O GDR 12, Asociación Carballiño-Ribeiro, con motivo da nova convocatoria de axudas Leader Galicia 2014-2020 está a levar a cabo unha campaña de información por todo o seu territorio, integrado por vinte e un concellos, onte tivo lugar en Boborás, foto que mostramos. As próximas serán o xoves ás 19.30 horas en Cortegada, o sábado ás 11 horas en Beariz e o luns, 27 de febreiro, ás 20 horas en Castrelo de Miño. A medida que o vaian solicitando desde os outros concellos continuarán as charlas informativas.

Desde a asociación animan aos mozos, empresarios e institucións destes concellos a que se acheguen a coñecer de primeira man como poden solicitar axudas e animámoslles a crear empresas ou mellorar as existentes, logrando deste xeito que o noso rural non perda poboación.

Os interesados poden solicitar información en horario de 9 a 14 horas nas oficinas do GDR 12 situadas no Centro Cívico de Leiro, ou ben chamando ao teléfono 988 488 451 ou enviando un correo electrónico a info.gdr12@gmail.com. 

GDR12 Charla en Boborás


La Región, 22 de febreiro de 2017:


 

 Reunión de alcaldes en Leiro o 14 de febreiro

Imprimir admin15gdr - 20-Febreiro-2017 - 12:29:52  

A Asociación Carballiño-Ribeiro, colaboradora de AGADER como GDR12 para a xestión das subvencións LEADER 2014-2020 tivo esta semana pasada unha charla informativa cos 21 alcaldes e ADLs dos Concellos das comarcas de Carballiño e Ribeiro acerca das axudas dos fondos europeos para o devandito territorio. Esta anualidade repartiranse 865.173 € entre proxectos produtivos e non produtivos.

A convocatoria de axudas está aberta desde o 31 de xaneiro de 2017 e terá a súa primeira revisión de proxectos presentados o día 31 de marzo de 2017. As oficinas de atención ao público para concellos, comunidades de montes, particulares, autónomos, pemes, asociacións, etc..., están abertas de luns a venres de 9.00 a 14.00 horas no Centro Cívico de Leiro, á beira do colexio público. O contacto da devandita oficina pode facerse tamén chamando ao teléfono 988 488 451 ou enviando un correo electrónico á dirección info.gdr12@gmail.com

Asamblea GDR12 febreiro Leiro


Publicación en La Voz de Galcia o domingo, 19 de febreiro de 2017:

 

 Acordo financeiro entre Abanca e o GDR-12 Carballiño-Ribeiro

Imprimir admin15gdr - 14-Febreiro-2017 - 10:18:23  

Abanca e a Asociación de Desenvolvemento Rural Carballiño-Ribeiro (GDR-12) firman un convenio financeiro para impulsar a reactivación económica e comercial das comarcas de Carballiño e O Ribeiro.




 
Páxinas: Primeiro ... 12 13 14 15 16 
GDR12 Asociación Carballiño-Ribeiro
Centro Cívico, 1° andar. 32420 Leiro | Tel. 988 48 84 51 | info.gdr12@gmail.com